Нават жывучы далёка ад родных мясцінаў, мы застаемся беларусамі. Шануем нашы святы, адзначаем іх песнямі ды танцамі, але разам з тым адчуваем патрэбу ствараць новыя традыцыі і завядзёнкі. Ладзіць Дні беларускай культуры — адна з іх. Вось ужо трэці год гэтае свята яднае тысячы беларусаў. І чарговы раз сцвярджае тэзу: Беларусь там, дзе беларусы!
Слоган глабальнай кампаніі #ByCultureGlobal23 — “Расказаць Беларусь” (Speak Belarus).
У нас ёсць патрэба не проста захоўваць сваю нацыянальную самасць у любой краіне, але і ганарыцца сабой, і гучна казаць пра сябе свету. Казаць не толькі пра свой боль і горыч, але і пра тое, якія мы, годныя беларусы, якая яна, Беларусь, што існуе ў нашых сэрцах, думках і памкненнях і якой яна можа стаць у будучыні.
“Расказаць Беларусь” — гэта:
- расказваць пра саміх беларусаў, чым мы жывём сёння, якія мы, як наша беларускасць існуе ва ўмовах неверагодных рэпрэсій, ціску, засілля расейскай культуры (у Беларусі) і адарванасці ад роднай зямлі (калі гаворка пра беларусаў замежжа);
- мовай мастацтва казаць пра нашых палітвязняў;
- казаць пра мінуўшчыну і выбітных персон нашай гісторыі, легендарныя падзеі;
- казаць пра нацыянальныя традыцыі і наш багаты жывы фальклор;
- расказваць пра здабыткі беларускіх творцаў, найлепшыя ўзоры творчасці ў розных жанрах мастацтва;
- расказваць пра тое, чым мы ганарымся, у чым ёсць нашая годнасць і што адрознівае нас ад іншых нацый.
Свет мусіць ведаць, кім мы ёсць. Даведвацца пра нас — праз нашыя культуру, мастацтва, мову беларусаў.
- 07.07 Kupalle
- 04.07 Дабрачынны прагляд дакументальнага фільму "Зніжкі 100%"
- 07.07 Летні Кірмаш
08.07 Вільня, як форма духа. Шпацыр з Сяргеем Харэўскім
- 1.06-10.07 Выстава "Я хачу дадому"
- 09.07 Беларускі стэндап
- 01.07 Фэст “Варушняк”: Купалле — ад батлейкі да рэйву
- 03.07 Канцэрт гурта "Яварына"
- 03.07 Канцэрт Андрэя Апановіча
- 04.07 Этна-вечарына і Спеўны сход з Сержуком Доўгушавым
- 05.07 Канцэрт "Падарожжа на краіне Ідыш" Зісл Сляповвіч і сябры (ЗША)
- 06.07 Канцэрт салістаў Варшаўскага Вольнага Аркестра і дуэта Юлія Меліхава(флейта) / Алена Сяргеенка (гітара)
- 07.07 Канцэрт гурта Naviband
- 08.07 Адкрыццё выстаўкі "I Had a Dream, but I Wasn't Sleeping"
- 08.07 Сямейны спектакль “Прыгоды Козачкі Зефіркі”
- 08.07 Канцэрт ад гурта спеву а капэла "Jasakara" і беларуска-польскай музыкі "АnaMova"
- 08.07 Беларускамоўны стэндап ад “PanStandup”
- 09.07 Huchna Fest
- 09.07 Арт-маркет
- 13.07 Стэндап-канцэрт Дзмітрыя Нарышкіна "Tinder Live"
- 30.07 Запіс сольнага канцэрту Дзмітрыя Нарышкіна "Bardzo dobre Jajka"
- 08.07 Акустычны канцэрт B:N: (Алесь Лютыч)
- 14-15.07 Фестываль TUTAKA
- 16.07 Беларускі Stand Up
- 29.07 Беларускі пікнік
- 01.07 Касцёл Святой Эльжбеты ( Ютросін)
- 15.07 Стэндап Дзмітрыя Нарышкіна "Bardzo dobre Jajka"
- 13.07 Канцэрт Ірэны Катвіцкай у межах міжнароднага фэсту “Марк Шагал 2023”. З удзелам Аляксея Палянскага, Кацярыны Чэпелевай, Міхаіла Гайсінскага, Адэліі Шалеў.
- сабраць сяброў на прагляд беларускага кіно ці арганізаваць чытку беларускай п’есы
- зладзіць канцэрт, выставу, чытанне беларускіх вершаў, спеўна-танцавальную вечарыну;
- усталяваць нацыянальны беларускі сцяг у двары (вывесіць у акне);
- прыгатаваць любімую беларускую страву і паклікаць суседзяў на пачастунак;
- зрабіць у сацсетцы пост (серыю пастоў) па-беларуску з хэштэгам свята #speakBelarus
- сустрэцца з сябрамі ці зладзіць вечарыну для дыяспары: прыгатаваць беларускія традыцыйныя і сучасныя (аўтарскія справы), спяваць беларускія песні, танчыць беларускія танцы;
- зладзіць беларускі пікнік разам з сябрамі і прыяцелямі іншых нацыянальнасцяў;
- адзець беларускі строй, сплесці вянок, узяць у рукі кветкі ды выправіцца на доўгі шпацыр па горадзе з крэатыўнымі постарамі і бел-чырвона-белымі сцягамі
- ускласці кветкі да помнікаў беларускім дзеячам культуры, наведаць месцы пахавання знакамітых беларусаў;
- адсвяткаваць Купалле, намаляваць уласную папараць-кветку і загадаць галоўнае жаданне;
- падзяліцца са сваімі сваякамі, сябрамі і калегамі праграмай онлайн і офлайн- івэнтаў, размешчанай на нашым сайце і партале “Новая Беларусь”;
- даслаць карысную інфу ці спасылкі на драйвовы кантэнт пра Беларусь і беларусаў сваім замежным сябрам;
- арганізуючы онлайн ці офлайн-івэнты, асвятляючы гэтыя падзеі, праматуючы святкаванне публічна, выкарыстоўваць фірмовы брэндбук SpeakBELARUS;
- паўдзельнічаць у онлайн-флэшмобе 7 ліпеня (будзе адноўлена пазней)
* Праз праграму “Новая Беларусь”. Галоўная старонка — Падзеі — Усе падзеі — значок + у правым верхнім куце экрана. У апісанні імпрэзы абавязкова пазначайце “Падзея ў межах Дзён беларускай культуры”. Або наўпрост, перайшоўшы па гэтай спасылцы (https://airtable.com/shrvja4uYWizYFqjT)
* праз форму на нашым сайце, якую знойдзеце ніжэй. .
*Калі вы распрацоўваеце афішу свайго свята і хочаце змясціць на ёй лога кампаніі #SpeakBelarus, скарыстайцеся брэндбукам
Ёсць пытанні? Пішыце на bycultureweek@gmail.com.